“ҮНДЭСНИЙ БИЧИГ ҮСЭГ – ТУСГААР ТОГТНОЛ” УРИАТАЙ “ҮНДЭСНИЙ БИЧИГ ҮСГИЙН БАЯР – 2019” ТУН УДАХГҮЙ...

“ҮНДЭСНИЙ БИЧИГ ҮСЭГ – ТУСГААР ТОГТНОЛ” УРИАТАЙ “ҮНДЭСНИЙ БИЧИГ ҮСГИЙН БАЯР – 2019” ТУН УДАХГҮЙ...

 

        Монгол Улсын Ерөнхийлөгчийн 2003 оны 105 дугаар зарлиг, Засгийн газрын үйл ажиллагааны мөрийн хөтөлбөрийг  хэрэгжүүлэх,  эх хэл,  бичиг үсэг, түүх, соёлын дурсгалаа судлах, хөгжүүлэх, түгээн дэлгэрүүлэх зорилгоор жил бүр зохион байгуулдаг "Үндэсний бичиг үсгийн баяр”  2019 оны 5 дугаар сарын 03-наас 08-ны өдрүүдэд  болно.

        Боловсрол, соёл, шинжлэх ухаан, спортын сайдын 2019 оны 4 дүгээр сарын 26-ны өдрийн А/253 дугаар тушаалын дагуу Засгийн газрын хэрэгжүүлэгч агентлаг Соёл, урлагийн газар нь Үндэсний номын сан, Хэлний бодлогын үндэсний зөвлөл, Хүүхдийн төв номын сан, Улаанбаатар хотын нийтийн төв номын сан, МУИС-ийн Хүмүүнлэгийн ухааны салбар, "Бичиг соёл” боловсролын төв, аймаг, орон нутгийн номын сангууд зэрэг боловсрол, соёлын байгууллагуудтай хамтран нэгдсэн төлөвлөгөөний дагуу тус арга хэмжээг зохион байгуулж байна.

          Энэ жил улсын хэмжээнд монгол бичиг үсэг, өв соёлоо сурталчилсан 120 гаруй   төрөлжсөн уралдаан тэмцээн, эрдэм шинжилгээний хурал, уулзалт, ярилцлага, сургалт, монголчуудын бичиг үсгийн соёл,  уламжлалыг харуулсан цуврал үзэсгэлэнгүүд зэрэг олон нийтэд зориулсан төрөл бүрийн арга хэмжээг аймаг, нийслэлийн боловсрол, соёлын байгууллагууд  хамтран хийнэ.

         Үндэсний монгол бичгээ хүүхэд залуучууд, хойч үедээ зааж сургах, өвлүүлэх, тэдний бүтээлч идэвхийг дэмжих, түүх соёлоороо бахархах үзлийг дэлгэрүүлэх зорилгоор монгол бичгийн улсын төрөлжсөн олимпиад, уран бичлэг, тэргүүний уншигч, зөв сайхан бичигтэн шалгаруулах  уралдаан зэрэг уламжлалт арга хэмжээг орон даяар зохион явуулахын зэрэгцээ Монгол Улсын Ерөнхийлөгчийн "Монгол бичгийн хэрэглээг нэмэгдүүлэх тухай” 2018 оны 46 дугаар зарлигийг хэрэгжүүлэх зорилгоор Соёл, урлагийн газар  ШУА-ийн Хэл зохиолын хүрээлэн, МУБИС-тай хамтран "Үндэсний бичиг – Судалгаа, сургалт, хэрэглээ” эрдэм шинжилгээний хурал, Хэлний бодлогын үндэсний зөвлөлтэй хамтран  "Аймаг, нийслэлийн хэмжээнд хаягжилт болон бараа бүтээгдэхүүнийхээ шошгыг үндэсний бичгээр бичиж хэвшсэн тэргүүний байгууллага, аж ахуйн нэгжийг шалгаруулах” ажлыг зохион байгуулж байна.

           Мөн Монгол бичгийн нийгэмлэгээс Үндэсний бичгээр улирал тутам гардаг "Уламжлал”  сэтгүүлийн 2 дугаар улирлын дугаарыг  "Үндэсний бичиг үсгийн баяр-2019” арга хэмжээнд зориулан гаргаж,  уншигчдын хүртээл болгоно.

 "Үндэсний  бичиг үгийн баяр-2019” арга хэмжээний нээлт 2019 оны 5-р сарын 3-ны 11.00 цагт  Монгол Улсын Үндэсний номын санд болно.

Ерөнхий зохион байгуулагч: 

Боловсрол, соёл, шинжлэх ухаан, спортын яам, Засгийн газрын хэрэгжүүлэгч агентлаг Соёл урлагийн газар,  Үндэсний номын сан.

 

Хамтран зохион байгуулагч: 

             Хүүхдийн төв номын сан, Д.Нацагдоржийн нэрэмжит Улаанбаатар хотын нийтийн төв номын сан, Хэлний бодлогын үндэсний зөвлөл, МУИС-ийн  ШУС-ийн Хүмүүнлэгийн ухааны салбарын Монгол хэл, хэл шинжлэлийн тэнхим , "Бичиг соёл, боловсролын” төв, Аймаг, нийслэлийн соёл, урлагийн байгууллагууд.            

   Харилцах утас: 264943, 323100, 70112397, 318921, 70115705, 
 

“ҮНДЭСНИЙ БИЧИГ ҮСЭГ – ТУСГААР ТОГТНОЛ” УРИАТАЙ “ҮНДЭСНИЙ БИЧИГ ҮСГИЙН БАЯР – 2019” ТУН УДАХГҮЙ...
 
 
Нээлтийн ажиллагаа:
Хаана: Монгол Улсын Үндэсний номын сан
Хэзээ: 2019 оны 05 дугаар сарын 03-ны 11:00 цагаас
 

“ҮНДЭСНИЙ БИЧИГ ҮСЭГ – ТУСГААР ТОГТНОЛ” УРИАТАЙ “ҮНДЭСНИЙ БИЧИГ ҮСГИЙН БАЯР – 2019” ТУН УДАХГҮЙ...

 

 


Сэтгэгдэл:

«    5-р сар 2019    »
MonTueWedThuFriSatSun
 12345
6789101112
13141516171819
20212223242526
2728293031 
Үндэсний номын сан

Зуны цагийн хуваарь

/06-09 сар/

Даваа-Баасан: 09:00-17:00

Бямба, Ням: Амарна

Өвлийн цагийн хуваарь

/10-05 сар/

Даваа-Баасан: 09:00-20:00

Бямба, Ням: 09:00-17:00

 

Манай вэб сайт танд таалагдаж байна уу?


 
 

Холбоо барих

Монгол улсын үндэсний номын сан

(+976) 70112396

976-11-323100

director@nationallibrary.mn

www.nationallibrary.mn

Copyright © 2016 Монгол улсын үндэсний номын сан. Бүх эрх хуулиар хамгаалагдсан.                                                       Вэб сайтыг: "Онлайн Хүрээ" ХХК | Хөгжүүлэгч: Aureola