Виртуал лавлагааны албаны журам

МҮНС-ийн захирлын тушаал

Журам батлах тухай

Номын сангийн мэргэжлийн зөвлөлийн 2012 оны 05-р сарын 14-ний өдрийн хурлын шийдвэрийг үндэслэн ТУШААХ нь:

1. Номын сангийн лавлагаа номзүйн ажлын хүрээг өргөтгөх “МҮНС-ийн Виртуаль лавлагааны албаны журам”-ыг 1 дүгээр хавсралтаар,
2. Номын сангийн ажилтнуудад үйлчилгээг тэгш хүргэж, хүртээмжийг нэмэгдүүлэх, номын эргэлтийг сайжруулах “МҮНС-ийн гэрээр ном олгох журам”-ыг 2 дугаар хавсралтаар тус тус баталсугай.
3. Журмыг батлагдсан өдрөөс эхлэн мөрдлөг болгох ба хэрэгжилтэнд хяналт тавьж ажиллахыг МАЗЭШ-ний хэлтсийн дарга Д.Бямбасүрэн, Уншлага үйлчилгээний хэлтсийн дарга Д.Саранчимэг нарт үүрэг болгосугай.

ЗАХИРАЛ Х.ЧИЛААЖАВ

МҮНС-ийн захирлын 2012 оны 05-р сарын 17-ны

өдрийн 42 тоот тушаалын 1-р хавсралт

МҮНС-ИЙН ВИРТУАЛЬ ЛАВЛАГААНЫ АЛБАНЫ ЖУРАМ

1. Нийтлэг үндэслэл

Виртуаль лавлагааны алба /Цаашид ВЛА гэх/ нь сэдэвчилсэн, бүх чиглэлийн мэдээллийн хайлттай холбоотой алслагдсан хэрэглэгчдийн хүсэлтийг гүйцэтгэх МҮНС-гийн онлайн лавлагаа юм. Энэхүү албыг МҮНС-ийн номзүйчид тус журмын дагуу хариуцаж ажиллуулна.

2. ВЛА-ны үүрэг

• Бүх хэрэглэгчдэд нээлттэй, үнэ төлбөргүй байна

• Хүлээн авах лавлагаанууд нь түгээмэл шинж чанарыг агуулсан байна
• Бусад номын сангийн баазан дээр гүйцэтгэгдэж чадаагүй лавлагааг гүйцэтгэхдээ анхдагч нь байх

• Лавлагааны хэв шинжээс үл шалтгаалан хурдан шуурхай гүйцэтгэх

• Ирсэн лавлагаанд заавал хариу өгөх

• Хэрэглэгчдийн оюуны эрх чөлөөг хүндэтгэн, хувийн мэдээллийн нууцыг хадгалах,

• Хандаж буй хэрэглэгчдэд тэдгээрийн нас, боловсролын түвшин, оршин суугаа газар, мөн түүнчлэн МҮНС-гийн уншигч мөн эсэхээс үл шалтгаалан үйлчлэх,

3. Хүлээн авах лавлагааны төрөл

• МҮНС-гийн сан хөмрөгт хадгалагдаж буй ном хэвлэлийн тухай лавлагаа
• МҮНС-гийн уламжлалт болон электрон номзүйн нөөцүүдийг, мөн түүнчлэн интернет сүлжээ ашиглан гүйцэтгэх боломжтой сэдэвчилсэн лавлагаа
• Баримтын тодотгосон лавлагаа

4. Үйлчилгээ

Хэрэглэгчдэд лавлагаа өгөхдөө:

• Мэдээллийг бие даан олж авахад зориулан интернет сүлжээн дэх мэдээллийн эх сурвалжийн хаягийг зааж өгөх,
• Номзүйн бэлэн хариултыг өгөх, /20 хүртэлх номзүйн бичилттэй/
• Өгөгдсөн лавлагааны суурь бааз /архив/-аас мэдээллээ бие даан хайх боломжтой байх

5. Үйлчилгээний нөөц бааз

• Номын сангийн лавлагаа-номзүйн аппарат /Уламжлалт болон электрон каталог, картын сан, өгөгдсөн лавлагааны архив, лавлагааны фонд/, интернет нөөц, бусад зөвшөөрөгдсөн дижитал эх сурвалжууд
• Тус албанд өгөгдсөн лавлагааны архив

6. Ерөнхий хязгаарлалт

Доорх чиглэлээр үйлчилгээний хязгаарлалтыг хийнэ. Үүнд:

• Зугаа цэнгэлийн шинж чанартай лавлагаа (үгийн сүлжээ таах, оюуны тоглоом болон бусад уралдаан)
• Байгууллагын дотоод үйл ажиллагаатай холбоотой лавлагаа
• Зөвшөөрөгдөөгүй баримтын скайнердсан хуулбар
• ВЛА-нд сурталчилгааны шинж чанартай мэдээлэл тавьж болохгүй

7. Албаны ажлын хуваарь

• Лавлагааг ажлын өдрүүдэд хүлээн авч, зохих журмын дагуу гүйцэтгэнэ.
• Амралтын өдөр лавлагаанд хариулт өгөхгүй