Элдэв магтаалын үг үл илүүдэх бахдам түүх соёлын минь гэрч бол манай өвөг дээдсийн бүтээж хэрэглэж байсан олон төрлийн бичиг үсэг болно. Монголчуудын бичиг үсгээс Юань гүрний үед хамаарах дөрвөлжин бичгийн дурсгал өнөөгийн бидэнд маш бага үлдэж хоцорчээ. Гэхдээ бидний өвөг дээдсийн бичиг үсгийн нотолгоо болсон баримтуудыг МУҮНС нь сан хөмрөгтөө хадгалж байдаг. Мөн 16-р зуунд Харчин Аюуш Гүүш Али-Гали буюу гадаад үгийг галиглах журмыг зохиосноор Монгол хэлт орчуулга хэл зүйн хувьд цэгцэрч байсан түүхтэй. Энэхүү баримт бүхнийг та бүхэндээ толилуулж байна.
