Есөн эрдэнийн Ганжуур

Эзэмшигч байгууллага: Монгол Улсын Үндэсний Номын Сан

Материал: Болгомол цаас, торго, даавуу, будаг, сарьс, гууль, есөн эрдэнэ

Ерөнхий хэмжээ: 70.5х16.5 см

Бичвэрийн хэмжээ: 50х12 см

Ботийн тоо: 110

Есөн эрдэнийн Ганжуурыг бичгийн мэргэд тусгайлан боловсруулсан хар цаасан дээр алт, мөнгө, шүр, сувд, номин, оюу, зэс, ган, таныг нарийн жороор бэх болгон бэлдэж, мөрийг эгнүүлэн бичсэн бөгөөд монгол зургийн аргаар бурхан шүтээн, тахилын зураг, монгол хээ угалз сэлтийг уран сайхнаар дүрсэлсэн байдаг. 2002 онд Монгол Улсын Засгийн Газрын түүх соёлын ХОСГҮЙ ҮНЭТ өвд ЮНЕСКО-ийн “Дэлхийн Дурсамж” хөтөлбөрийн Олон улсын баримтат өвд 2013 онд бүртгэгджээ.