2026/10/03 · Мэдээ

"Модон барын баримтат өв: Бүртгэл, хадгалалт хамгаалалт ба хүртээмж" сэдэвт олон улсын эрдэм шинжилгээний хурал 2026.10.06-07-ны өдрүүдэд Монгол Улсын Үндэсний Номын Сангийн Салбар номын сан /Шинэ байр/-д болно.
Олон улсын эрдэм шинжилгээний хурлыг Монгол Улсын Соёл, спорт, аялал жуулчлал, залуучуудын яам (Ministry of Culture, Sports, Tourism and Youth of Mongolia, MCSTYM),
Монгол Улсын Үндэсний Номын Сан (National Library of Mongolia, NLM), БНСУ-ын Солонгос Судлалын Хүрээлэн (한국국학진흥원, Korean Studies Institute, KSI), Модон барын хэвлэлийн олон улсын холбоо (IAPW) хамтран зохион байгуулж байна.
"Модон барын баримтат өв: Бүртгэл, хадгалалт хамгаалалт ба хүртээмж" сэдэвт олон улсын эрдэм шинжилгээний хуралд Монгол, Солонгос, Япон, Герман, Вьетнам гэсэн модон барын уламжлалтай таван орны төлөөлөл, эрдэмтэн судлаачид илтгэл хэлэлцүүлэх юм.
Тус эрдэм шинжилгээний хурлаар олон улсаас эрдэмтэн судлаачид, куратор, номын сан болон соёлын өвийн мэргэжилтнүүд нэгэн дор чуулж, модон бар хэвийн баримтат өвийг хадгалж хамгаалах шилдэг сайн туршлага, шинэ тутам гарч ирж буй орчин үеийн технологи, арга зүй болон хамтын ажиллагааны нэгдсэн стратегийн талаарх салбар хоорондын хэлэлцүүлэг хийх боломжийг олгох агаад гар бичмэл болон модон барын хэвлэмэл ном судрын өвийн судалгааны чиглэлээр олон улсын хамтын ажиллагааг бэхжүүлэхэд үнэтэй хувь нэмэр оруулах болно.
Эрдэмтэн судлаач, эрхэм уншигч Та бүхнийг морилон саатахыг урьж байна.