Үзэсгэлэн
“БОГД ХААН БА ОЛНОО ӨРГӨГДСӨН МОНГОЛ” ҮЗЭСГЭЛЭН 2023.12.21-2024.02.23
Хүүхэд багачууд, номын сангийн уншигчдад үнэгүй.
Монгол Улсын Үндэсний номын сангийн Үнэт ховор номын музейд дэлгэгдсэн “Богд хаан ба Олноо өргөгдсөн Монгол” үзэсгэлэн 2024 оны 02 дугаар сарын 23-ны өдөр хүртэл ажлын өдрүүдэд хүүхэд багачууд, Үндэсний номын сангийн уншигчдад үнэгүй, бусад насанд хүрэгчдэд 5000 төгрөгийн тасалбартайгаар үйлчлэн ажиллана.
Монголын Үндэсний эрх чөлөөний хувьсгалын манлайлагч зүтгэлтнүүд болох Богд хаан, алтан ургийн язгууртнууд, ноёд түшмэд, шашин төрийн мэргэдийн түүхэн гэрэл зураг хийгээд Үндэсний эрх чөлөөний хувьсгал, Олноо өргөгдсөн Монгол Улсын түүхэнд холбогдох тулгар сурвалж бичиг, ном судрыг дэлгэсэн “Богд хаан ба Олноо өргөгдсөн Монгол” үзэсгэлэнг олны хүртээл болгож байна.
Богд хаан ба шашны зүтгэлтнүүд сэдвээр ярьсан ЕБ-ын 112 дугаар сургуулийн захирал, доктор Г.Жалсрайжамцын яриаг хүлээн авна уу.
“Богд хаан ба Олноо өргөгдсөн Монгол” үзэсгэлэнд урьж байна.
